Ikuskizunak
Mundu berriak aurkituz
Konpainiaren antzezlanek diziplina eszeniko teknika plastiko desberdinak batzen dituzte. Paperak eta objektuak gorputzarekin eta hitzarekin lotzen dira leku berriak aurkiarazteko.
Amargura Kabareta
Amargura kalean, jada existitzen ez dena, eta nonbait dagoena, kafe abeslaria bada eta bertan kopla, jazz, bolero eta tangoa entzuten dira.
Ez hori bakarrik, baita ere, ikazkinen ahotsak, zamaketariak, trenbide-langileak, zigarro-saltzaileak, artistak eta zirkuaren hats geldiarazia aditzen dira.
Kafe abeslari honetan zerbait ere hartu ahal da, baina kontuz ibili tragoarekin, askotan plazerek eta pozoiek zapore mingotsa dute.
Paperezko eta dokumentu-antzerkiko kabaret ikuskizuna.
* Eusko Jaurlaritza Kultura Sailak aukeratutako ikuskizuna 2019ko Produkzio eszenikorako laguntzetan.
Dossierra
Bideoa
Argazkiak
Txori onak
Dena mugitzen da, txoriak, haizea eta mundua bera. Hala ere, zenbait ibilbide galarazita dituzte joan eta etortzen direnek.
Aukeratu ez duen patuari ihes egiten dion norbaiten kontakizuna da hau, bide horretan bertan bere hegoak aurkitzen dituena. Bere inguruan hegan egin daitekeen guztia jazartzen da. Agian, zirkua da ohitura hori aldatu ahal duen bakarra, non grabitatearen legea eta guzti zalantzan jartzen den.
Paperezko antzerki ipuina, euren istoriorako eszenatoki hobeen bila ari direnen borondatezko zein derrigorrezko bideei buruzkoa.
Ekoizpen-prozesuan
EDEN
EDEN paradisuko langile pare batek antzesten du, harridurarako tekniken bildumagileak, sorpresak sortzen dituzten aparailuetako espezialistak.
EDEN mundu berriren sorkuntzako bulegoa da eta bertan asmatutako paradisuak diseinatzeko eta eraikitzeko eskaerak jasotzen dira.
EDEN zuzeneko sorkuntza da. Aukera guztiak saiatzen dira, xehetasunez idatzi, lupaz aztertu, poetikoki berrikusi eta asmatutako edo benetako mapetan kokatu egiten dira. Kalean bertan egindako munduaren mirariak.
EDEN hitzik gabeko ikuskizun collage bat da. Objektuen antzerkia, instrumentu anitzeko musika, maskara-dantza eta eszenaratutako sorkuntza plastikoa uztartzen ditu. Sentsazioen sortzailea da non irudia, soinua eta usainak poesiarekin bat egiten duten. Era berean, kuxkuxean ibiltzeko aukera ematen duten kaleko behatxuloen bilduma bat da, edenaz sakon gozatzeko jakin-mina baino ez baitugu behar.
* KARRIKAN 2020. Kaleko arte eszenikoei laguntzeko Karrikan plataformaren ikuskizun irabazlea izan da.
* Eusko Jaurlaritza Kultura Sailak aukeratutako ikuskizuna 2020ko Produkzio eszenikorako laguntzetan.
Dossierra
Bideoa
Argazkiak